‘Nerazzurri’ duan të vazhdojnë bashkëpunimin me Romelu Lukaku.
Sipas ‘La Gazzetta dello Sport’, Interi dëshiron të mbajë Romelu Lukakun dhe do të takohet me drejtorët e Chelseat për të diskutuar të ardhmen e sulmuesit në mars.
Sulmuesi belg u kthye në ‘Stadio Meazza’ në formë huazimi verën e kaluar, por ka pasur probleme me lëndimet këtë sezon, duke filluar vetëm pesë ndeshje në të gjitha garat dhe duke shënuar dy gola.
Megjithatë, sipas ‘Gazzettas’, ‘Nerazzurrët’ duan të mbajnë ‘Big Rom’ në klub në sezonin 2023-24 dhe, në të njëjtën kohë, Lukaku nuk dëshiron të kthehet në ‘Stamford Bridge’.
Gjigantët e Serie A presin të zgjasin huazimin e sulmuesit për një tarifë më të ulët se ajo që paguan verën e kaluar, 8 milionë euro plus 3 milionë shtesa.
Në mënyrë ideale, sipas ‘Gazzettas’, ata do të donin ta mbanin lojtarin për gjysmën e asaj shume dhe ndërmjetësimi i avokatit të Lukakut, Sebastien Ledure do të jetë vendimtar për një fund pozitiv të negociatave.
Sipas raportit, Interi ka folur tashmë me përfaqësuesin e lojtarit në kuadër të takimit me Chelsean.
Dy klubet ka të ngjarë të diskutojnë të ardhmen e sulmuesit në mes të marsit, me shumë gjasa pas ndeshjes së dytë të raundit të 16-të të Ligës së Kampionëve mes ‘Nerazzurrëve’ dhe Portos.
© SYRI.net
VIDEO/ Si e kaluan kuqezinjtë ditën e pushimit në Gjermani
‘Ylli’ i Barcelonës, rekordmeni i ri i Euro 2024
Argjentinës i mjafton një gol në miqësoren me EkuadorinBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
