Portugalia siguroi një biletë për në fazën e 1/8-tave të “Katar 2022” teksa mposhti në ndeshjen e dytë të Grupit H, Uruguain me rezultatin e pastër 2-0.
Të dy golat e sfidës u shënuan në fraksionin e dytë të lojës nga Bruno Fernandes.
Por, në lidhje me realizimin e golit të parë nga ana e mesfushorit të Manchester United pati dyshime të mëdha nëse topi u prek apo jo nga Cristiano Ronaldo.
Në fakt, nuk ishte shumë e qartë në momentin e parë dhe as përsëritjet në disa kënde nuk ndihmuan shumë, me CR7 që pretendon se e preku ai topin me kokë.
Është teknologjia ajo që konfirmon se goli ishte një vepër tërësisht e Bruno Fernandes.
Marka e famshme Adidas, që ka modeluar edhe topin e Botërorit, nëpërmjet një sensori të vendosur në brendësi të sferës, konfirmoi se nuk pati kontakt mes topit dhe Ronaldos.
© SYRI.net
VIDEO/ Si e kaluan kuqezinjtë ditën e pushimit në Gjermani
‘Ylli’ i Barcelonës, rekordmeni i ri i Euro 2024
Argjentinës i mjafton një gol në miqësoren me EkuadorinBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
