Juventus mundi me rezultatin e thellë 3-0 skuadrën e Sassuolos në “Allianz Stadium” në javën e parë të Serisë A, duke paralajmëruar kështu gjëra të mëdha në sezonin e ri të kampionatit italian.
Padyshim njeriu i ndeshjes ishte Angel Di Maria, i cili debutoi në mënyrën më të mirë të mundshme me fanellën bardhezi.
Argjentinasi realizoi që në minutën e 26-të me një gjysmë roveshatë, pas krosimit të Alex Sandros. E ligjshme festa e 35-vjeçarit, që tregoi edhe një herë se mosha për të është ende thjesht statistikë.
Juventusi kaloi në epërsi të dyfishtë në fundin e pjesës së parë pas ekzekutimit të saktë të një 11-metërshi nga Vlahovic.
Sulmuesi serb gjeti golin e dytë personal dhe të tretin për Juventusin në minutën e 51-të, i shërbyer në këtë rast pikërisht nga Di Maria.
Në minutat në vazhdim nuk pati ndryshim tjetër rezultati, ndërsa Di Maria u zëvendësua në minutën e 66-të nga Miretti.
© SYRI.net
VIDEO/ Si e kaluan kuqezinjtë ditën e pushimit në Gjermani
‘Ylli’ i Barcelonës, rekordmeni i ri i Euro 2024
Argjentinës i mjafton një gol në miqësoren me EkuadorinBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
