Trepça e ka mposhtur Golden Eagle Yllin në serinë e finaleve, për ta ngushtuar atë në 2-1.
Skuadra nga Mitrovica triumfoi me rezultat tejet të ngushtë, 58-55 (17:20, 12:10, 13:10, 16:15) ndaj asaj të Suharekës.
Në dy takimet e para fituan therandasit dhe janë më afër të mbrojnë titullin e kampionit. Për tu shpallur kampion Ylli duhet të fitojë edhe një përballje, kurse mitrovicasit duhet t’i fitojnë dy ndeshjet e ardhshme për të fituar titullin e kampionit, që iu mungon nga viti 2012.
Takimin e parë e fitoi Ylli 63:62, kurse në sfidën e dytë fituan në “Minatori” të Mitrovicës 46:60.
Finalja vuri përballë dy skuadrat më të mira në garat e rregullta, ku kampioni aktual përfundoi në vendin e parë, kurse ‘Xehetarët’ në vendin e dytë.
Të dy finalet sollën interesim të jashtëzakonshëm, duke arsyetuar epitetin e finales dhe kështu doli të ishte edhe sot (e diel) në Suharekë.
Ndeshja e ardhshme zhvillohet në arenën “Minatori”, e në rast se fiton Golden Eagle Ylli, atëherë shpallet kampion, e nëse Trepça e barazon në 2-2, do të luhet edhe takimi i pestë për të përcaktuar kampionin në basketbollin kosovar.
© SYRI.net
Reali Madridi përfiton mbi 140 milionë euro nga triumfi në Champions League
VIDEO/ Kombëtarja mbyll përgatitjet për miqësoren e dytë, gjithçka gati për sfidën me Azerbajxhanin 
Portugalia publikon listën zyrtare për Euro 2024, a do të jetë Cristiano Ronaldo?Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
