Manchester City mposhti me rezultatin minimal 1-0 Wolves në stadiumin Etihad, në ndeshjen e vlefshme për javën e 16-të të Premier League, duke konfirmuar kështu formën e tyre të shkëlqyer duke shënuar triumfin e gjashtë radhazi në kampionat.
Qytetarët e nisën vrrullshëm takimin, duke tentuar të gjenin golin e avantazhit, por Ujqërit u mbrojtën mirë dhe nuk lejuan lojtarët kundërshtar të depërtonin në zonën e tyre. City nuk u ndihmua as nga dominimi i madh në zotërim të topit, as numri i madh i sulmeve të rrezikshme që përfunduan pa gol.
Episodi që prishi lojën ndodhi në fundin e pjesës së parë, kur sulmuesi i miqve Raul Jimenez mori dy kartonë të verdhë në rreth 30 sekonda. Ai fillimisht u “zverdh” për një faull, e më pas mori përjashtimin pasi vendosi të shqetësonte Rodrin gjatë goditjes së lirë. Vërtetë, veprim budalla.
Siç pritej, City bëri presion edhe më të madh, ndërsa Ujqërit praktikisht nuk kaluan gjysmën e fushës së tyre. City arriti të shënonte golin që kishte vlerën e tre pikë në minutën e 66-të kur Sterling shënoi me penallti.
City siguroi vendin e parë në renditjen e Premier League me katër pikë më shumë se Liverpooli i vendit të dytë që ka një ndeshje më pak, ndërsa Wolves mban vendin e tetë. City do të presë në javën e ardhshme Leeds-in, ndërsa Wolves do të luajnë kundër Brighton.
Rezultati:
Manchester City - Wolves 1-0 (Sterling, penallti, 66')
© SYRI.net
Kroacia mund Portugalinë në miqësore
Kombëtarja mbërrin në Dusseldorf, e para skuadër finaliste në ‘Euro 2024’ që shkel në tokën gjermane
Spanjollja ‘AS’ analizon Shqipërinë: Bajrami është lider, por një nga lojtarët bënte pasime shqetësueseBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
