Llapi ka mbyllur në epërsi pjesën e parë të derbit ndaj Prishtinës, në xhiron e 18-të të Superligës së Kosovës në futboll.
Llapi po udhëheq 2:1.
Kjo ndeshje po zhvillohet në Lipjan në stadiumin “Sami Kelmendi” pasi fusha në Merdar nuk plotëson kushtet për lojë pas reshjeve të shiut në ditët e fundit.
Llapi kaloi në epërsi në minutën e 24-t, pas autogolit që e shënoi Benet Ismaili.
Rezultatin e dyfishoi Francisco Rivera në minutën e 27-të.
Llapi e shënoi edhe golin e tretë në minutën e 40-të nëpërmjet Kushtrim Shabanit, por u anulua nga VAR-i më pas. Tre minuta më vonë, Prishtina ngushtoi epërsinë në 2:1. Ishte mesfushori Arlind Shabani që shënoi me kokë.
© SYRI.net
Bëje LIKE dhe merr lajmin e fundit nga Sporti: