Ish-trajneri legjendar i Manchester United, Alex Ferguson, befasoi me zgjedhjen e lojtarit që do të kishte një vend të sigurt në secilën prej skuadrave të tij, përveç yjeve të shumtë që drejtonte.
Cristiano Ronaldo, Eric Cantona, Wayne Rooney, David Beckham, Ryan Giggs, Paul Scholes, Rio Ferdinand, Carlos Tevez... janë vetëm disa nga futbollistët e mëdhenj që Alex Ferguson stërviti te Manchester United nga viti 1986 deri në 2013.
Megjithatë, trajneri më i suksesshëm në historinë e Djajve të Kuq, kishte një përgjigje befasuese kur zgjodhi mes të gjithëve. Bëhet fjalë për mbrojtësin – Denis Irwin.
"Sinqerisht, do të thosha se vetëm Denis Irwin do të kishte një vend të garantuar në secilën nga ekipet e mia. Në ndeshjen kundër Arsenalit në Highbury ai bëri një gabim, duke e pasuar topin keq dhe Bergkamp përfitoi dhe mori topin e shënoi. “Pas ndeshjes, shtypi tha: “Ju duhet të jeni të zhgënjyer për pasimin e Irëin”. Unë thashë: "Epo, një gabim në 10 vjet nuk është keq." Ai ishte një lojtar i pabesueshëm,” tha Sir Alex Ferguson për The Sun.
Ferguson mori drejtimin e United në vitin 1986 pas një eksperience të shkurtër në stolin e Skocisë.
Jo vetëm që arriti t'i kthejë lavdinë e vjetër Djajve të Kuq, por arriti suksese që do të jenë përgjithmonë të paarritshme.
Ai udhëhoqi United në 1500 ndeshje, duke regjistruar 895 fitore dhe më e rëndësishmja, duke fituar 38 trofe.
© SYRI.net
Asllani qëndron te kampionët e Interit
Zyrtarizohet lista e Shqipërisë për Euro 2024, Silvinjo largon vetëm një lojtar
Operacion blic në Londër, Broja mund të bëhet 'djall', Milan e sheh si zëvendësuesin e GiroudBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
