FIFA është ndjerë thellësisht e dëshpëruar me ngjarjen e ndodhur në sfidën ndërmjet Brazilit e Argjentinës.
Federata Botërore e Futbollit (FIFA) ka thënë se skenat që kanë çuar në pezullimin e ndeshjes eliminatore të Botërorit 2022 janë për keqardhje.
Ndeshja e të dielës mbrëma ishte ndërprerë pas vetëm pesë minutave, kur autoritetet shëndetësore braziliane ishin futur në fushë, duke kërkuar largimin e tre lojtarëve argjentinasë që luajnë në Premier League, duke thënë se ata kanë thyer protokollet anti-COVID, pasi është dashur të karantinohen.
FIFA ka thënë se ka marrë raportet e para nga referët dhe delegati, ndërsa do të analizohen nga organet kompetente.
“FIFA ndjen keqardhje për skenat që çuan në pezullimin e ndeshjes mes Brazilit dhe Argjentinës për eliminatoret për Botërorin 2022, që parandaloi miliona tifozë nga shijimi i ndeshjes mes dy përfaqësueseve më të rëndësishme në botën e futbollit. Raportet e para të zyrtarëve janë dërguar te FIFA. Informatat do të analizohen nga organet kompetente dhe një vendim do të merret së shpejti”, thuhet nga FIFA.
© SYRI.net
Trajneri Silvinjo dhe Seferi: Grupi po punon fort, jemi të fokusuar 100% për Europianin
Rapidi nxjerr në shitje dy futbollistët shqiptarë, një prej tyre vendos rekord historik
Gjykata ndalon shitjen e Topit të Artë të legjendës Diego MaradonaBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
