Presidenti Andrea Agnelli dhe drejtuesit më të lartë të Juventusit, kanë mbajtur sot në një konferencë për shtyp, ku folën për planet e klubit.
Vëmendja maksimale natyrisht që lidhet me afatin kalimtar, i cili është hapur zyrtarisht, ndërsa Federico Cherubini zbuloi se e ardhmja e Cristiano Ronaldos pritet të jetë në Torino, pasi ylli portugez nuk ka folur asnjëherë për largim.
“Mund të them se Ronaldo është një pikë e rëndësishme e projektit tonë dhe ka ende edhe një vit kontratë me Juventusin. Deri tani ai nuk na ka shprehur dëshirën për t’u larguar, ndaj nuk ka pse të jemi të shqetësuar”.
“Nuk mund të parashikoj çfarë do të ndodhë në ditët në vijim, por për momentin mund të them se Ronaldo qëndron te Juventus”, ka thënë drejtoi sportiv i ri i Juventusit, Cherubini.
Një tjetër çështje që shqetëson drejtuesit e klubit bardhezi është edhe rinovimi i kontratës me Paulo Dybalan, ku Pavel Nedved sqaroi situatën e argjentinasit.
“Paulo aktualisht është me pushime dhe nuk e kemi shqetësuar për asgjë. Kemi nisur bisedimet për rinovimin e tij dhe do t’i vijojmë menjëherë sapo të rikthehet për fazën përgatitore”.
© SYRI.net
Rapidi nxjerr në shitje dy futbollistët shqiptarë, një prej tyre vendos rekord historik
Gjykata ndalon shitjen e Topit të Artë të legjendës Diego Maradona
Tirana prezanton trajnerin e riBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
