Kohë rinovimesh në shtëpinë e Interit. Duke parë vështirësitë ekonomike që po has në këtë periudhë, drejtuesit e klubit zikaltër kanë vendosur të mbajnë në skuadër dy elementë të cilët ishin në skadencë kontrate dhe që në sezonin e fundit janë aktivizuar pak, por gjithsesi kanë patur rëndësinë e tyre në suksesin e skuadrës së Antonio Contes, sidomos Danilo D’Ambrosio i cili ka realizuar edhe disa gola me peshë.
Pikërisht për D’Ambrosion, Interi ka vendosur të aplikojë opsionin e rinovimit edhe për një tjetër sezon me të vetmin ndryshim që xholi i mbrojtjes zikaltër tashmë do të përfitojë një pagë më të reduktuar prej 1,8 milionë euro në sezon nga 2,5 që përfiton aktualisht.
Drejt rinovimit është edhe Andrea Ranocchia që pretendonte një kontratë edhe për 2 vite të tjera, por klubi i ka ofruar një marrëveshje të re 1-vjeçare me një pagë prej 1 milionë eurosh në sezon plus bonuset që nëse arrihen, Ranocchia mund të kapë shifrën e 1,5 milionë eurove që përfitoi në sezonin që sapo u mbyll.
Janë rritur shanset edhe që edhe Ashley Young, që dukej thuajse i larguar të rinovojë edhe për një tjetër vit me zikaltrit, edhe pse e ardhmja e anglezit do të varet nga Ivan Perisic, me Interin që do të tentojë shitjen e kroatit, i cili përfiton një pagë të lartë, mbi 4 milionë euro në sezon.
Një prapakthehu kjo e klubit zikaltër për 3 lojtarë që para disa ditësh dukeshin thuajse të larguar.
© SYRI.net
Reali Madridi përfiton mbi 140 milionë euro nga triumfi në Champions League
VIDEO/ Kombëtarja mbyll përgatitjet për miqësoren e dytë, gjithçka gati për sfidën me Azerbajxhanin 
Portugalia publikon listën zyrtare për Euro 2024, a do të jetë Cristiano Ronaldo?Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
