Distria Krasniqi ka dështuar të fitojë medalje në Kampionatin Botëror të Xhudos 2021, pasi u mposht në finale për të bronztën të dielën në Hungari.
Xhudistja kosovare Krasniqi u mposht nga Urantsetseg Munkhbat në finale për vendin e tretë në kategorinë -48 kilogramë në Botërorin e Xhudos në Budapest.
Si pasojë, numri një i botës në kategorinë -48 kilogramë duhet të pajtohet vetëm me vendin e pestë në këtë botëror.
Në një luftë të barabartë pa shumë cilës, xhudistja mongole fitoi pas gjashtë minutave shtesë dhe falë penalizimit të kosovares me tri shido (karton i kuq).
Pasi e kaloi rrethin e parë pa luftë, Krasniqi i fitoi tri luftërat e radhës dhe arriti deri në gjysmëfinale ku u ndal nga japonezja Natsumi Tsunoda, duke humbur mundësinë për të luftuar për medaljen e artë.
Ajo e pati edhe një mundësi tjetër për t’u kthyer nga Hungaria me medalje, por finalja për të bronztën kundër mongoles nuk shkoi sipas planit të 24-vjeçares.
Kampionia evropiane zuri vetëm vendin e pestë në kategorinë e saj.
Kosova do të përfaqësohet edhe me katër xhudistë të tjerë në ditët në vazhdim të Botërorit të Budapestit.
© SYRI.net
FIA zyrtarizon rregullat e reja
Lista përfundimtare e Spanjës, mbeten jashtë yjet e Barcelonës dhe Atletikos
Shqipëri-Azerbajxhan, prova gjenerale përpara “EURO 2024”Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
