Takimi i shumëpritur mes Antonio Contes dhe presidentit të Interit, Steven Zhang, nuk ndodhi as ditën e sotme, pasi tekniku zikaltër nuk u pa të paraqitej në zyrat e klubit, ndryshe nga numri një dhe drejtuesit e tjerë të lartë.
I sapo-shpallur kampion me klubin milanez, Conte nuk duket shumë i bindur për vazhdimësinë, ndonëse ka edhe një vit në kontratë, ndaj takimi me presidentin pritet të hedhë dritë mbi të ardhmen që i pret zikaltrit.
Kjo pasi Conte pritet të kërkojë nga presidenti garanci sportive për vazhdimin ndonëse me hapa të ngadaltë, të projektit të nisur dy vite më parë, mosprekjen e titullarëve dhe sigurisht një përmirësim të pagës aktuale, për të rinovuar edhe për një sezon tjetër.
Nga ana tjetër numri një i klubit zikaltër synon të ulë kostot dhe të përmirësojë gjendjen financiare të klubit, ndaj takimi pritet të jetë vërtetë i nxehtë, pasi deri tani Zhang nuk ka folur asnjëherë për të ardhmen e Interit.
Gjithsesi e sigurt është që nëse Conte nuk merr garancitë e duhura sportive, atëherë do të largohet menjëherë nga zikaltrit, ndonëse ka edhe një vit kontratë dhe ky nuk do të jetë një lajm aspak i mirë tifozët e Interit.
© SYRI.net
Zbulohet paga, ja sa do të përfitojë Sylvinho nga kontrata e re
PSG ‘kërcënon’ Barcelonën, ofron dyfish më shumë për Nico Williams
Guardiola bën deklaratën e bujshme, e gjithë Premier League dridhetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
