Napoli arriti të fitonte me shumë vështirësi në “Artemio Franchi”. “Të kaltrit” mundën me rezultatin 2-0 Fiorentinën, duke zënë vendin e tretë në renditje dhe duke lënë Juventusin jashtë zonës Champions.
Në këtë takim luajtëm për 90 minuta edhe dy mbrojtësit shqiptar të Napolit, Amir Rrahmani dhe Elsied Hysaj, të cilët u vlerësuan nga mediat italiane për performancën e tyre.
Rrahmani u vlerësua me notën 7, ndërsa Hysaj u vlerësua me notën 6.5.
Rrahamani, 7: Performancë e mirë mbrojtëse. Por vendimtare ishte penalltia që ai fitoi në fillim të pjesës së dytë dhe që lejoi Insigne të zhbllokonte një ndeshje që po bëhej gjithnjë e më e komplikuar për Napolin.
Hysaj, 6.5 - Nuk është një detyrë e lehtë për të përmbajtur Ribery kur francezi është pranë tij. Por mbrojtësi shqiptar, çuditërisht, është një nga armët shtesë të Gattusos në këtë finale të sezonit.
© SYRI.net
Bëje LIKE dhe merr lajmin e fundit nga Sporti: