Kanë përfunduar dy supersfidat e javës së 26-të në Kategorinë Superiore.
Teuta ka fituar me rezultatin minimal 1-0 përballë Laçit në “Niko Dovana”, duke marrë kreun e renditjes në kampionatin shqiptar.
Durrsakëve i mjaftoi supergoli i Dejvi Bregut në minutën e 76-të për të dalë me tri pikë dhe për të marrë vendin e parë, në kuotë të barabartë pikës me Vllazninë.
Bregdetarët e nisën mirë sfidën, duke dominuar 45 minutat e para, por pa arritur të gjejnë rrugën e rrjetës.
Pjesa e dytë nisi ashtu siç u mbyll e para, me skuadrën e Martinit më kërkuese. Pas tentativave të shumta, durrsakët u shpërblyen në të 76-tën, kur Dejvi Bregu në një aksion ku gjithçka e krijoi vetë, ia del t’i driblojë të gjithë që i dolën përpara, për të gjuajtur më pas, duke e ndalur topin në fundin e rrjetës.
Ndërsa ndeshja mes Vllaznisë dhe Partizanit përfundoi në barazim pa gola (0-0).
Skuadrat krijuan shumë pak raste, pasi nuk preferuan të bënin aventura, por të presin gabimin e kundërshtarit, i cili nuk erdhi kurrë.
Me këtë barazim, Vllaznia u ngjit në kuotën e 46-të, ndërkohë që Partizani ka momentalisht 44 pikë.
© SYRI.net
Bëje LIKE dhe merr lajmin e fundit nga Sporti: