Ish-trajneri i Shqipërisë, Xhani De Biazi, ka folur së fundmi në një intervistë për "Sport News", me moderatoren Enxhi Biba. Në fjalët e tij, De Biazi foli për heqjen e pasaportave diplomatike, ku u shpreh se i duket diçka absurde. Gjithashtu më tej De Biazi tha se do të vijë të votojë më 25 prill, për shkak se ka pasaportë shqiptare.
“Po e mora vesh vendimin për heqjen e pasaportave diplomatike. Por nuk ka një vendim zyrtar, e kam dëgjuar vetëm nga gazetarët. Nuk e kam kuptuar se për çfarë arsye bëhet kjo. Nuk e di nëse është e vërtetë për heqjen e pasaportave diplomatike, por nëse është e vërtetë më duket diçka absurde. Është diçka pa sens, pasi e arritëm diçka dhe më pas e heqin pas 5 viteve. Është njësoj sikur të bësh një dhuratë dhe më pas të të kërkojnë ta kthesh pas. Më duket e pakuptimtë dhe shpresoj që të mos jetë e vërtetë. Prirem të jap mendime për gjëra zyrtare. Pasaporta ime shkruan se data e skadencës është deri në vitin 2026. Megjithatë nëse do të ma kërkojnë do e kthej sigurisht.
Do të vij të votoj më 25 prill. Kam votuar edhe më përpara. Jam krenar që jam qytetar shqiptar. Më pak krenar nëse heqin pasaportën diplomatike. Nuk ka asnjë domethënie nëse më tërheqin pasaportën diplomatike. Unë ende nuk e besoj këtë, por nëse është e vështirë, atëherë jam shumë i zhgënjyer nga kjo sjellje. E kam ndjekur Shqipërinë vetëm në ndeshjen e fundit me San Marinon. Morën një fitore shumë të rëndësishme. Nuk ishte një lojë shumë ë bukur, por morën fitore shumë të rëndësishme. Me Anglinë nuk kishin më shumë mundësi, pasi janë një kundërshtar të madh. Gjithmonë forca Shqipëria.”, tha De Biazi.
© SYRI.net
Dortmund vs Real Madrid, të veçantat e 'duelit' të Wembley-t
E kryer/ Jose Mourinho firmos te Fenerbahce, buxhet rekord për merkaton e verësE kryer/ Jose Mourinho firmos te Fenerbahce, buxhet rekord për merkaton e verësBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
