Xabi Alonso do të jetë trajneri i ri i Borussias së Monchengladbachut, si pasues i Marco Rose.
Lajm ky i dhënë nga gazeta gjermane “Bild”, që e bën thuajse të sigurt hedhjen e këtij hapi në karrierë nga ish-futbollisti ekipeve të mëdha si Liverpool, Real Madrid dhe Bayern i Mynihut.
Aktualisht, 39-vjeçari është trajner i Real Sociedadit B, që militon në Segunda B, në Spanjë.
Po sipas “Bild”, edhe pse duket shumë pranë kalimit në Bundesligë, në një prej skuadrave më me emër në Gjermani, Xabi Alonso nuk ka refuzuar ende ofertën e klubit bask për të rinovuar kontratën.
Projekti është tërheqës për Xabin, i cili do të katapultohej nga liga inferiore në Spanjë në elitën e futbollit gjerman, në krye të një skuadre që ka luajtur në Champions dhe tani garon për një vend në Europa League (renditet në vendin e 10-të).
Xabi Alonso po bën një punë të shkëlqyer te skuadra e dytë e Real Sociedadit, edhe pse nuk ka në dispozicion një nga brezat më të shkëlqyer.
Roberto Olabe, drejtori i futbollit te Sociedadi ishte i qartë në deklaratën e tij në lidhje me të ardhmen e 39-vjeçari: “Ne do të dëshironim shumë që Xabi të vazhdonte me ne, do ta presim derisa ai të dëshirojë”.
© SYRI.net
Formacioni kuqezi/ Silvinjo bën gati kurthin anti-Itali, por ka ende dilema për tri pozicione
Interi me ide të qarta, rinovimi i yllit të skuadrës pas Kupës së Amerikës
Ndër më të mirët e botës, Guardiola kërkon 'yllin' gjerman në 'Etihad'Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
