Qindra besimtarë myslimanë në Fier kanë falur në orët e para të mëngjesit të kësaj të mërkure Namazin e Kurban Bajramit në Sheshin Qendror të qytetit, duke kremtuar një nga festat më të rëndësishme të besimit islam.
Ceremonisë së faljes i parapriu fjala e kreut të Myftinisë Fier, Mikele Hazizolli, i cili theksoi rëndësinë shpirtërore dhe sociale të kësaj feste. Në mesazhin e tij ai u ndal te simbolika e Kurban Bajramit, duke e cilësuar atë si një festë që përçon sakrificën, solidaritetin dhe ndërgjegjësimin shpirtëror.
Besimtarët, ashtu si çdo vit, kryen ritin e faljes dhe më pas shkëmbyen urime e mesazhe dashurie, paqeje dhe mirëqenieje për familjet fierake.
Sipas traditës së kësaj dite të shenjtë për myslimanët, shumë familje kanë prerë kurban, ndërsa një pjesë e mishit është shpërndarë për njerëzit në nevojë, si simbol i solidaritetit dhe ndihmës ndaj njëri-tjetrit.
Ndërkohë, gjatë ditës pritet që familjet të mblidhen në dreka festive me miq dhe të afërm, duke vijuar atmosferën e gëzimit dhe bashkimit që sjell Kurban Bajrami.
Kjo festë në Fier po bëhet çdo vit edhe më masive, pasi një numër gjithnjë e më i madh besimtarësh të grupmoshave të ndryshme po i bashkohen riteve dhe traditave të besimit islam.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Projekti në Zvërnec, Blushi: Mbështesim protestat, pasuritë e vendit nuk janë pronë private
Rrahja në sallën e gjyqit, komisioni propozon futjen në ‘41 Bis’ të vëllezërve Bushgjokaj
Tragjedia ku humbën jetën dy të miturat në Tale, vija bregdetare nuk kishte roje sigurie