SYRI TV/ Nafta çmim rekord, qeveria: Nuk ndërhyjmë në treg!

Çmimi i naftës në Shqipëri ka shënuar një tjetër rritje rekord në orët e fundit, duke  thelluar krizën e çmimeve dhe kostot tek qytetarët. Deklarata e kryeministrit Edi Rama një ditë më parë për mosndërhyrje në treg duket se është marrë si leje nga kompanitë që kanë vijuar rritjen e çmimeve. Sot edhe Ministri i Infrastrukturës dhe Energjetikës, Enea Karakaçi ka deklaruar se qeveria nuk do të heq asnjë taksë, edhe pse thuajse të gjitha vendet europiane e kanë marrë si masë për të ndihmuar qytetarët e tyre.

Syri TV

Një ditë pasi  kryeministri Edi Rama e cilësoi të moderuar rritjen e çmimit të naftës dhe deklaroi se qeveria do të monitorojë tregun e karburantëve, furnizuesit e naftës  i kane marrë si leje këto deklaratat, për të rritur edhe më tej  çmimin, në kurriz të qytetarëve. Dhe ndërsa abuzimi dhe spekulimi me  çmimin e naftës vijon, qeveria nuk ka asnjë plan  të ndërmarrë masa kontrolle per kontrollin e çmimit.  Në përfundim të mbledhjes së qeverisë, Ministri I Energjisë dhe Infrastrukturës,  Enea Karaçi, u shpreh se qeveria nuk ka ende vendim të riktheje bordin e naftës dhe as nuk e mendon heqjen e taksës së qarkullimit, që rëndon xhepat e qytetarëve, në strukturën e çmimit të naftës. 

Që prej nisjes së  konfliktit në lindjen e mesme, vendet e rajonit si Kosova e  Serbia morën menjëherë masa konkrete për të  mbrojtur  qytetarët nga rritja e çmimit të karburanteve. Se fundmi qeveria italiane, ndërmori një pakete masash që përfshijnë, përfshijnë një ulje 20-ditore të akcizës, me një ndikim në çmim prej 25 centësh për litër për benzinën dhe naftën, ndërsa në Shqipëri, qeveria Rama nuk e cilëson të arsyeshme të  ndërhyjë për të  mbrojtur  qytetarët nga rritja e menjëhershme e çmimeve të karburanteve. 

© SYRI.net

Lexo edhe:

• Projekti në Zvërnec, Blushi: Mbështesim protestat, pasuritë e vendit nuk janë pronë private
• Rrahja në sallën e gjyqit, komisioni propozon futjen në ‘41 Bis’ të vëllezërve Bushgjokaj
• Tragjedia ku humbën jetën dy të miturat në Tale, vija bregdetare nuk kishte roje sigurie