Pak çaste para nisjes së protestës kombëtare të thirrur nga Partia Demokratike, në shesh kanë mbërritur grupet e para të mbështetësve. Disa prej tyre janë paraqitur me uniforma simbolike dhe pankarta me mesazhe të drejtpërdrejta kundër kryeministrit Edi Rama.
Një nga sloganet që ka tërhequr vëmendjen është: “Faleminderit zoti Rama që i riktheve studentët në fantazma”, një mesazh që synon të godasë politikat e qeverisë ndaj të rinjve dhe emigrimit.
Protesta zhvillohet në një klimë të tensionuar politike. Opozita akuzon mazhorancën se po pengon funksionimin e drejtësisë, duke mos lejuar mbledhjen e Këshillit të Mandateve për shqyrtimin e kërkesës për heqjen e imunitetit të zëvendëskryeministres Belinda Balluku.
Sipas Partisë Demokratike, kjo situatë tregon një pushtet që mbron interesat e veta dhe jo zbatimin e ligjit, ndërsa shumica parlamentare.
© SYRI.net