Agjencia e Kombeve të Bashkuara për refugjatët palestinezë, UNRWA, do ta mbyllë selinë e saj në Jerusalemin Lindor pasi kompleksit iu vu zjarri nga “ekstremistët izraelitë” kur personeli ishte brenda, tha shefi i saj të enjten.
Në një deklaratë në platformën sociale X, Komisioneri i Përgjithshëm i UNRWA, Philippe Lazzarini tha se sulmi me zjarrvënie ishte i fundit në një seri kërcënimesh, ngacmimesh dhe incidentesh të dhunshme të kryera nga izraelitët kundër stafit të agjencisë gjatë dy muajve të fundit.
Më 8 maj në mbrëmje, banorët izraelitë vunë zjarrin dy herë në perimetrin e selisë së UNRWA-s në Jerusalemin Lindor të pushtuar. Kjo ndodhi kur personeli i UNRWA dhe agjencive të tjera të OKB-së ishin në kompleks, tha Lazzarini.
“Është një zhvillim i jashtëzakonshëm. Edhe një herë tjetër, jetët e personelit të OKB-së ishin në rrezik të madh.”
Objekti do të mbyllet “derisa të rivendoset siguria e duhur”, shtoi ai.
Lazzarini postoi një video të kompleksit që tregonte personelin duke u përpjekur të shuante flakët ndërsa njerëzit brohoritnin jashtë dhe tha se një turmë e shoqëruar nga njerëz të armatosur u pa jashtë kompleksit duke bërtitur: "Digjini Kombet e Bashkuara".
Disa video të mediave sociale u postuan gjithashtu në platformat izraelite Telegram të enjten, duke treguar kompleksin e UNRWA-s në zjarr. Në një video, mund të dëgjohej thirrja e përsëritur "UNWRA është Hamas, UNWRA është Hamas".
Lazzarini tha se zjarri shkaktoi "dëme të mëdha në zonat e jashtme". Nuk pati viktima në radhët e personelit të OKB-së, shtoi ai.
© SYRI.net
Argita Malltezi: Dumani duhet të japë llogari para shqiptarëve dhe ligjit, për një sërë problemesh që lidhen me...
Reportazhi i RAI3, Fatos Lubonja: E gjithë ‘rilindja’ me Ramën në krye duhet të arrestoheshin për grup kriminal
Detaje nga marrëveshja Shqipëri-Itali/ Qiraja e anijes së transportit të emigrantëve mund të kushtojë deri në 13.5 mln euro
Denonco
Merrni lajmet më të fundit nga SYRI.net në çdo moment dhe kudo që të jeni!
