Rektori i Akademisë së Studimeve Albanologjike Luan Përzhita reagoi pas miratimit të projektvendimit për transferimin e instituteve të ASA-s te Akademia e Shkencave. Në një intervistë për SYRI TV, Përzhita u shpreh se vendimi është politik e se do të ndjekin rrugën ligjore për të vijuar betejën e tyre.
Nga SYRI TV
Pas miratimit të projektvendimit për transferimin e Instituteve të Akademisë së Studimeve Albanologjike në Akademinë e Shkencave ka ardhur reagimi i menjëhershëm i rektorit të ASA-s Luan Përzhita.
Në një intervistë për SYRI TV, Përzhita u shpreh se vendimi është politik dhe se ndjen keqardhje, që politizojnë një institucion të tillë, që ka qëndruar larg politikës. Titullari i ASA-as tha se do të ndjekin rrugën ligjore për të vijuar betejën e tyre, e se ndihet i keqardhur për qasjen e politikës ndaj albanologjisë.
Në shkelje të plotë me ligjin është hapi i ndërmarrë nga qeveria për mbylljen e Akademisë së Studimeve Albanologjike, pas të cilës qëndron puna voluminoze e kërkuesve dhe profesorëve.
Një prej arsyeve kryesore të këtij vendimi sipas Nebi Bardhoshit, drejtuesit të Institutit të Antropologjisë Kulturore dhe Studimit të artit është pamjaftueshmëria e burimeve njerëzore për vijueshmërinë e tri projekteve enciklopedisë, fjalorit dhe historisë nga ana e Akademisë së Shkencave, megjithëse inicuese e tyre ka qenë ASA.
Sipas projektvendimit, të gjitha asetet dhe studiuesit e ASA-s do të transferohen brenda muajit Dhjetor në Akademinë e Shkencave e çka nënkupton mosvijueshmërinë e kërcënimin e kërkimit shkencor në vend.
© SYRI.net
Aksident me vdekje në Vlorë/ Humbi drejtimin e motorit, ndërron jetë 35-vjeçari
Berisha lexon dokumentin e skandalit: Sistemi TIMS nuk kontrollonte pasaportat e disa personave, me në krye trafikantin Tedi Malaveci
VIDEO/ Berisha: Shqipëria nuk ka dhe nuk mund të ketë zgjedhje pa votën e diasporës dhe emigracionit
Denonco
Merrni lajmet më të fundit nga SYRI.net në çdo moment dhe kudo që të jeni!
