Një tentativë për atentat, që do kryhej nga një grup kriminal ndaj një personi, është parandaluar nga policia në Berat. Në kërkim janë shpallur 3 anëtarët e grupit kriminal të identifikuar si Hamit Berisha, Arli Shehu dhe Ermal Gora. Policia ka sekuestruar armë, silenciatorë, veshje kamuflazhi radio marrëse-dhënëse dhe dylbi që do përdoreshin në vrasjen e një personi
SYRI TV
Një atentat që do të realizohej nga një grup kriminal është parandaluar në Berat.
Sipas policisë, mësohet se janë shpallur në kërkim tre persona, një nga Kosova, një nga Tirana dhe një nga Korça. Mësohet se tre të shpallurit në kërkim Hamit Berisha, Arli Shehu dhe Ermal Gora, pjesëtarë të grupit kriminal do të kryenin atentatin ndaj një shtetasi.
Por në pamundësi për të realizuar qëllimin e tyre, të gjendur në ndjekje nga policia, kanë fshehur automjetin brenda të cilit kishin mjetet për kryerjen e krimit, dhe duke përfituar nga errësira, janë larguar në zona të pyllëzuara. Shërbimet e policisë, si rezultat i kontrolleve të imtësishëm dhe informacioneve policore të siguruara, kanë bërë të mundur gjetjen e automjetit, të një motomjeti të vjedhur, me 2 skafandra, të veshjeve të kamuflazhit, të një arme zjarri automatik me silenciator, të një pistolete me silenciator dhe të një sasie municioni luftarak.
Në vijim, në kuadër të operacionit policor të koduar “Objektivi”, nga kontrolli në banesën e Ermal Goras të shpallur në kërkim, u sekuestruan në cilësinë e provës materiale, 2 radio marrëse-dhënëse, dylbi, dorashka dhe lëndë djegëse.
Sendet e sekuestruara, sipas policisë, do të përdoreshin në vrasjen që ata do të kryenin në Berat. Madje policia po punon për të zbuluar edhe persona të tjerë që kanë qenë pjesë e këtij plani.
© SYRI.net
Kokainë, ekstazi dhe cannabis sativa/ Prodhim dhe shitje droge, arrestohen tre persona e procedohen 9 të tjerë
Aksident me vdekje në Vlorë/ Humbi drejtimin e motorit, ndërron jetë 35-vjeçari
Berisha lexon dokumentin e skandalit: Sistemi TIMS nuk kontrollonte pasaportat e disa personave, me në krye trafikantin Tedi Malaveci
Denonco
Merrni lajmet më të fundit nga SYRI.net në çdo moment dhe kudo që të jeni!
