Sekuestrohen patika të falsifikuara në 5 lokacione në Prishtinë, vlera rreth 200 mijë euro

Dogana e Kosovës ka zhvilluar një operacion të koordinuar në pesë lokacione në Rajonin e Prishtinës, ku janë sekuestruar një sasi e konsiderueshme e patikave të dyshuara si produkte të falsifikuara.

Sipas njoftimit në Facebook, mallrat mbanin shenja të markave të njohura ndërkombëtare dhe vlera e tyre e përafërt llogaritet rreth 200 mijë euro.

Produktet e sekuestruara janë vendosur nën mbikëqyrjen e autoriteteve kompetente, ndërsa ndaj rastit janë duke u zhvilluar procedurat ligjore përkatëse.

“Veprimet janë ndërmarrë në bashkëpunim dhe koordinim me Prokurorinë kompetente, ndërsa rasti është duke u hetuar për të sqaruar të gjitha rrethanat dhe për të identifikuar personat përgjegjës. Institucionet e zbatimit të ligjit mbeten të përkushtuara në parandalimin dhe luftimin e tregtisë së mallrave të falsifikuara, duke mbrojtur konsumatorët, bizneset e ligjshme dhe interesin publik. Rasti mbetet nën hetime”, thotë Dogana e Kosovës.

© SYRI.net

Lexo edhe:

• Konfirmohet nga Policia: Vdes gruaja që ra nga një ndërtesë në Fushë Kosovë, nuk u mbijetoi lëndimeve
• KQZ: Deri në orën 13:00 votuan 38.97 për qind e votuesve në diasporë
• Tubimi përmbyllës i LDK-së, Osmani: Një thirrje për bashkim, një vizion për një Kosovë të fortë brenda dhe jashtë