Ambasada e SHBA-së në Kosovë u ka bërë thirrje qytetarëve që të raportojnë rastet e dhunës në familje, duke shtuar se kjo nuk duhet parë si një çështje private apo si një çështje familjare.
Ambasada e Shteteve të Bashkuara të Amerikës, përmes një postimi në platformën ‘X’, ka reaguar pas raporteve dhe hulumtimeve të organizatave të shoqërisë civile, sipas të cilave dhuna në familje është ndër krimet më të paraportuara në Kosovë, njofton RTK.
“Bazuar në raporte dhe hulumtime të ndryshme të organizatave të shoqërisë civile, dhuna në familje vazhdon të jetë një nga krimet më të paraportuara në Kosovë. Dhuna në familje nuk duhet parë si një çështje private apo si një çështje familjare. Dhuna në familje është krim. Mos e duroni, raportoni: 0800 11 112 ose 192”, thuhet në postimin e Ambasadës.
Në faqen e ambasadës janë publikuar edhe numrat e kontaktit për raportim të këtyre rasteve.
© SYRI.net
Gjykata Speciale: Edhe nëntë viktima të tjera pranohen për të marrë pjesë në procesin gjyqësor ndaj ish-krerëve të UÇK-së
Konflikti i të riut me ish të dashurën eskaloi në tentim vrasje, detaje për incidentin në rrugën Prishtinë-Ferizaj
'Vendosja e sanksioneve ndaj Kosovës është idiotësi e BE-së'
Denonco
Merrni lajmet më të fundit nga SYRI.net në çdo moment dhe kudo që të jeni!
