Brenda datës 24 mars 2024, Italia duhet t'i derdh Shqipërisë fondin e garancisë prej 16.5 milionë euro.
Publikohet në Fletoren Zyrtare ligji 21 shkurt 2024, numër 14 mbi "Ratifikimin dhe ekzekutimin e Protokollit mes Qeverisë së Republikës italiane dhe këshillit të Ministrave të Republikës së Shqipërisë për forcimin e bashkëpunimit në fushën e emigracionit, firmosur më 6 nëntor 2023 si dhe rregullat e koordinimit sipas rregullores së brendshme".
Fletorja Zyrtare Italiane informon se prej datës 23 shkurt 2024, marrëveshja itali-Shqipëri ka hyrë në fuqi.
Sipas këtij ligji pala shqiptare krijon një llogari bankare speciale pranë thesarit të shtetit e quajtur "Fondi për rimbursimin e shpenzimeve të bëra për zbatimin e Protokollit Itali-Shqipëri", raporton për Syri gazetarja Alba Kepi.
30 ditë nga hyrja në fuqi e këtij Protokolli pala shqiptare përmes kanaleve diplomatike i komunikon palës italiane të dhënat e plota të identifikimit të llogarisë bankare si dhe mënyrat se si evidencohen hyrje daljet e shpenzimeve e llogarisë sipas kontabilitetit publik të Shqipërisë. Kjo llogari është ndarë në nën llogari që korenspondojnë në varësi të tarifave që përmbajnë shtojcat e marrëveshjes.
Brenda 90 ditëve nga hyrja në fuqi e këtij ligji pala italiane derdh në llogarinë e posacme të thesarit të shtetit, shumën 16.5 milionë euro si paradhënie e një shume të madhe rimbursimesh që do të kryhet më pas për zbatimin e protokollit.
Pala Italiane rimburson 100% palën shqiptare për shpenzimet e kujdesit spitalor, rimburson 100% shpenzimet për blerjen e pajisjeve mjekësorë, barnave, vaksinave me kontrata blerje të vëna në dispozicion të palës italiane, rimburson 100% blerjen e mallrave për shërbimet e ndryshme të nevojshme për zbatimin e Protokollit, rimburson 100% koston për shërbimin e punonjësve të policisë, karburantin e përdorur nga mjetet e forcave të rendit dhe shërbime e tjera që lidhen me mënyrat e shoqërimit të emigrantëve, rimburson 100% blerjen e automjeteve të domosdoshme që duhen për zbatimin e akteve të këtij Protokolli, rimburson 100% shpenzimet për impenjimin e forcave të ushtrisë, rimburson 100% shpenzime ligjore bërë nga pala shqiptare, kosto të përdorimit të personelit shtetërorë e enteve publike shqiptare, rimbuson shpenzimet e dokumentuara për realizimin e rrjetit urban të nevojshëm për funksionimin e strukturave të emigrantëve etj etj.
Prej datës 15 mars e brenda 15 shtatorit të çdo viti të zbatimit të Protokollit, pala shqiptare përmes kanaleve diplomatike i komunikon palës italiane shumën e shpenzimeve të kryera gjatë gjashtë mujorit të fundit.
E brenda 45 ditëve nga ky komunikim pala italiane duhet të kryejë rimbursimin e këtyre shpenzimeve.
© SYRI.net
Kurti dhe Kuchner flasin për intervenimin e NATO-s e arritjet e Kosovës
Shtohen pritjet në pikëkalimet kufitare, kjo është gjendja aktuale
Në mbledhje elektronike, qeveria bën dy emërime
Denonco
Merrni lajmet më të fundit nga SYRI.net në çdo moment dhe kudo që të jeni!
