Paneli i Gjykatës së Apelit ka caktuar datën për shqiptimin e Aktgjykimit të Apelit në çështjen kundër Sali Mustafës, shkruan gazeta online Reporteri.net.
Aktgjykimi do të shqiptohet më 14 dhjetor 2023, në orën 09:30, bëhet e ditur në një njoftim të lëshuar nga ZPS.
Seanca do të jetë publike. Gjykatësi i Procedurës Paraprake konfirmoi aktakuzën kundër Salih Mustafës më 12 qershor 2020.
Mustafa u arrestua dhe u transferua në njësinë e paraburgimit të Dhomave të Specializuara të Kosovës më 24 shtator 2020.
Trupi Gjykues e shpalli të akuzuarin fajtor për krimet e luftës të ndalimit arbitrar, torturës dhe vrasjes së paligjshme dhe e dënoi me 26 vjet burgim. Mustafa u liria nga akuza për trajtim mizor.
Shqiptimi i urdhrit për zhdëmtimin e viktimave u bë më 6 prill 2023. Trupi Gjykues urdhëroi Sali Mustafën të paguajë një shumë të gjithsejtë prej 207.000 euro si kompensim për dëmin e shkaktuar ndaj viktimave të krimeve.
Më 2 shkurt 2023, Mbrojtja dorëzoi njoftimin për apel kundër Aktgjykimit.
© SYRI.net