Në pikën kufitare të Vërmicës sot është ndaluar një shtetas serb pasi kishte hyrë me një kamionë në Kosovë, ku brenda kishte katër migrantë.
Në Edicionin Special të Klan Kosovës, komandanti i Policisë së Kosovës, Shpend Qevani, ka thënë se migrantët dyshohet të jenë shtetas të Marokut dhe janë dërguar në qendrën për azilantë.
Teksa, i dyshuari është ndaluar për 48 orë dhe dyshohet për veprën penale ‘kontrabandim me emigrantë’.
Qevani ka thënë se ky është rasti i parë i këtij lloji që ndodh në pikën kufitare në Vërmicë.
© SYRI.net