Deputeti i LDK-së, Avdullah Hoti, ka reaguar para takimit të kryeministrit Albin Kurti me presidentin, Aleksandar Vuçiq, duke thënë që nuk po e kupton pse negociohet në Bruksel, ku nuk ka kurrfarë premtimi për njohje reciproke.
Hoti ka shkruar në Facebook se negocimi i statutit të Asociacionit nga Kurti është veprim i një politikani “që shkel mbi çdo gjë për të ruajtur pushtetin”
“Sikur bisedat e sotme në Bruksel lidhur me asociacionin të ishin pjesë e “Marrëveshjes finale, ligjërisht të obligueshme, për njohje reciproke dhe normalizim të marrëdhënieve mes Kosovës dhe Serbisë”, ndoshta do i kisha kuptuar dhe arsyetuar qeveritarët aktual.”
“Por, pa kurrfarë premtimi për njohje reciproke, e me gjithë atë dhunë që kreu aktual i qeverisë ka përdorur për të kundërshtuar asociacionin, negocimi i statutit të asociacionit që ndodh sot në Bruksel është veprim i një politikani që shkel mbi çdo gjë për të ruajtur pushtetin.” – ka shkruar Hoti, përcjell Syri.net Kosova
Më tej, ai është shprehur skeptik nëse mund të arrihet diçka më e mirë se ajo që parashihet në marrëveshjen e vitit 2015.
“Pavarësisht kësaj, dyshoj se ka mundësi të arrihet diçka më e mirë se ajo që parashihet në marrëveshjen e vitit 2015, ku thuhet në mënyrë eksplicite se statuti i asociacionit duhet të marrë pajtimin e Gjykatës Kushtetuese të Republikës së Kosovës para se të miratohet nga Qeveria.” – përfundon shkrimi i Hotit.
Ndryshe, Kurti dhe Vuçiq pritet të takohen sot në Bruksel në kuadër të dialogut. Prezantimi i statutit të Asociacionit dhe deklarata për të pagjeturit, janë dy çështjet kryesore që do të diskutohen.
© SYRI.net
3 orë nga seanca e dy ‘spiunëve’ nga Ferizaj, ende po vazhdon seanca
Kurti me lavdata për AKI-n dhe Policinë e Kosovës
Gjykimi i Thaçit dhe të tjerëve në pauzë, rifillon më 24 qershor
Denonco
Merrni lajmet më të fundit nga SYRI.net në çdo moment dhe kudo që të jeni!
