Deputeti Luan Aliu, ka reaguar i revoltuar pasi bashkë me kryetarin e Gjilanit, Alban Hysenin, dhe kryesuesin e Kuvendit Komunal në Gjilan, Arianit Sadiku, u ndaluan sot nga autoritetet serbe në pikën kufitare të Dheut të Bardhë.
Ai tha se kanë pritur më shumë se dy orë e krejt më pas është lejuar udhëtimi i tyre, shkruan Syri.net Kosova.
Mirëpo i njëjti tha se atyre nuk u kumtua asnjë arsye pse i kanë ndaluar për më shumë se dy orë, që Aliu e konsideroi malltretim.
Reagimi i plotë:
Bashk me Kryetarin e Komunës së Gjilanit Alban Hyseni, Kryesuesin e Kuvendit Komunal të Gjilanit, dhe aktivistë të Qendrës së LVV në Gjilan, sot, duke shkuar në Bujanoc në një vizit private, në pikën kufitare të Dheut të Bardhë u ndaluam nga autoritetet serbe për më shumë se 2 orë pa na u dhënë asnjë arsye se pse jemi ndaluar në këtë pikë kufitare.
Me të kuptuar se policia serbe po na maltreton pa ndonjë arsye, e kam lajmëruar Ministrinë e Punëve të Brendshme të Republikës së Kosovës dhe në koordinim me ta jam lidhur me Zyren ndërlidhëse të Kosovës në Beograd dhe i kam lajmëruar në detaje për rastin dhe ata më thanë se do të merren menjëherë me këtë çështje duke i njoftuar edhe institucionet ndërkombëtare. Pas kontaktimit me MPB na u dhanë dokumentat menjëherë dhe vazhduam rrugën tonë.
Ndalimi i jonë është një provokim dhe maltretim i panevojshëm nga ana e Serbisë, mbase kjo ndodhi edhe në momentin kur po ndodhë takimi i sotëm në Bruksel ndëmjet dy vendeve dhe përfaqësuesve ndërkombëtarë, ata mundohen të tensionojnë situatën duke përdorur figura politike dhe qytetarët. Kjo është më shumë se hipokrizi.
© SYRI.net
Konjufca: Ishte vërtet emocionuese ta shihja nga afër koncertin e Shkurte Fejzës
EULEX: Hapja e Urës së Ibrit mund të ketë implikime serioze në siguri
Kapen pjesë për makineri të rënda në Vërmicë
Denonco
Merrni lajmet më të fundit nga SYRI.net në çdo moment dhe kudo që të jeni!
