Deputetja e Partisë Demokratike të Kosovës, Eliza Hoxha përmes një shkrimi në llogarinë e saj në Facebook ka njoftuar se është sulmuar nga qentë endacakë në Prishtinë.
“U rrëzova, u sakatova e se di qysh ika nga ta tu u mbrojtë me çantë…”, – ka shkruar Hoxha.
Ajo ka thënë se kjo është hera e tretë që i ndodhë kjo gjë, shkruan Syri.net Kosova.
Sipas saj, ka kohë që Prishtina e ka humbur këtë atribut.
Postimi i plotë:
Sonte duke u kthyer në shpi mezi shpëtova nga sulmi i 7 qenëve tek qendra universitare. U rrëzova, u sakatova e se di qysh ika nga ta tu u mbrojtë me çantë…
Ama kjo është hera e tretë që më ndodhë në hapësirën e njejtë por në kohë të ndryshme, por hera e parë që po shkruaj pavarësisht që për raste të tjera kam reaguar.
Po i drejtohem kryetarit Rama e të tjerëve në Komunë pa dallim që me ndërmarrë diçka
Në studimet e shumta urbane për Prishtinën gjithmonë një nga atributet e forta të saj ka dal të jetë siguria në qytet
Ka kohë që Prishtina e ka humbur këtë atribut.
Unë jam pjesë e atyre që i duan kafshët dhe nuk dua të cënohen, por kur jeta e njerëzve cënohet përditë duhet të mendohet për një zgjidhje për të dy palët.
© SYRI.net