Shefi i grupit parlamentar të AAK-së, Besnik Tahiri ka shkruar në facebook tri çështjet rreth dialogut Kosovë- Serbi që duhet të diskutohen në Kuvend.
Ai tha se kryetari Ramush Haradinaj e elaboroi mirë qëndrimin e subjektit të tyre.
“Qëndrimin e subjektit tonë politik e elaboroi kryetari Haradinaj. Por, do të doja, që bashkërisht si përfaqësues të popullit të Kosovës, të reflektojmë mbi tri çështje esenciale të cilat e lidhin punën e Qeverisë në raport me dialogun Kosovë – Serbi: me menaxhimin, që në esencë ka qenë, tash e dy vjet në keq menaxhim; transparencën që në esencë ka qenë bunkerizim, terr informativ; dhe vendimmarrjen”, tha Tahiri.
closePër transparencën ai tha se populli është informuar vetëm nga emisari i posaçëm Miroslav Lajçak mbi dialogun.
“Po nisna nga aspekti i transparencës. Qytetarët e Kosovës, përfaqësuesit në Kuvend kanë dëgjuar për ecurinë e dialogut, tash e dy vjet, vetëm nga informatat e marra nga lehtësuesi i BE-së z. Lajçk dhe disa pozicionime që i kanë bërë partnerët tanë ndërkombëtarë. I gjithë diskutimi i Qeverisë me partitë politike, nuk ka qenë takime pune, por takime të diskutimit, të prezantimit, por jo takime ku është diskutuar haptas me subjektet politike që kanë fuqi që ua ka dhënë populli”, shkroi Tahiri në facebook.
Ndërkaq për vendimmarrje ai kritikoi Qeverinë, duke thënë se është e njëanshme dhe se e paraqet vendin joserioz.
“Kur jemi te vendimmarrja autokratike, e njëanshme, ju e keni kundërshtuar planin franko-gjerman. Ka pasur lloj-lloj deklaratash, duke e shpërfaqur shtetin tonë si joserioz tek partnerët ndërkombëtarë. Edhe shumë herë duke e shndërruar Vuçiqin, ministrin e Millosheviqit, si palë konstruktive – njeriun që nuk i ka vendos sanksionet ndaj Rusisë si e gjithë bota demokratike. Tashmë keni reflektuar. Ani, ju lumtë, më mirë vonë se kurrë që keni reflektuar. Mirëpo, kryeministër dëmet, tash e dy vjet janë shkaktuar”, tha Tahiri.
Në fund ai tha se porosia e AAK-së është që ai mos të vonohet por të veprojë se nuk ka shumë kohë.
“Koha ka dinamika tjera, bota nuk mund të pres ty e as Qeverinë që t’i shëroni komplekset politike. Mos u vono, merre betimin, e ki besimin qytetar (51%) dhe vepro. Nuk kemi kohë që të dëmtohen raportet tona me ShBA-në, e cila është dhe do të mbetet sinonim dhe adresa jonë kryesore dhe është e lidhur ngushtë me ekzistencën e këtij vendi, që është i lirë falë UÇK-së dhe falë kontributit të gjeneratave Dem baba Dem prej të 90-ve”, tha në fund Tahiri.
© SYRI.net
Qytetarët e komunave në Veri ftohen për regjistrim në Zyrat e Punësimit, ofrohet mundësi e subvencionit prej 70% të pagave 
Prishtinë, një personit i grabiten para të gatshme 
Ambasadori gjerman thotë se ë drejtat e LGBTQI+ nuk duhet të negociohen por të zbatohen
Denonco
Merrni lajmet më të fundit nga SYRI.net në çdo moment dhe kudo që të jeni!
