Sipas tabelës së ASK-së, shihet se gjatë këtyre ditëve ka pasur rritje të çmimit të orizit, kafes, qumështit e ajkës.

 

Para dy ditësh, çmimi i orizit ishte 1 euro e 24 centë, ndërsa sipas ASK-së, dje ai është tregtuar për 1 euro e 33 centë.

 

Në këtë listë të rritjes është ngritur edhe çmimi i qumështit nga 1 euro e 19 centë, në 1 euro e 24 centë.

 

Tutje, edhe çmimi i ajkës është bërë 1 euro e 55 centë, nga 1 euro e 49 centë sa ishte para dy ditësh.

 

Po ashtu, çmimi i kafes po vazhdon të rritet çdo ditë. Nga 6 euro e 21 centë sa ishte ditë më herët, është rritur në 6 euro e 53 centë. Pra, një rritje për 32 centë për një ditë.

 

Edhe çmimi i detergjentit për enë është rritur në 2 euro e 31 centë nga 2 euro e 14 centë.

 

Kujtojmë se, trendi i rritje se çmimeve për disa produkte ka vazhduar edhe në vitin 2023. Shtrenjtimi është vërejtur më shumë në produktet bazike. Rritjen e çmimeve e ka dëshmuar edhe Agjencia e Statistikave të Kosovës.