Kurti takohet me ambasadorët e QUINT-it

11:58, 06/02/2023

Të hënën e gjashtë shkurtit, kryeministri i Kosovës, Albin Kurti, ka pritur në takim ambasadorët e vendeve të QUINT-it.

Kryeministri i Kosovës, Albin Kurti, ka pritur në takim ambasadorët e vendeve të  QUINT-it.

Në mesin e ambasadorëve të pranishëm në takim është ai i SHBA-së, Italisë, Francës, Gjermanisë, Greqisë, Finlandës.

Kurti në një deklaratë pas prezantimit të platformës përpunsëimine të rinjve, ka theksuar se pas takimit do të tregojnë se cilat janë temat që do të diskutohen.

“E kemi një takim me të  gjithë ambasadorët që janë të akredituar këtu në Prishtinë, në orën 11:00”, ka thënë ai.

Ky takim po zhvillohet para një dreke pune që pritet ta zhvillojnë shefi i ekzekutivit, Albin Kurti dhe zëvendësi i tij, Besnik Bislimi me emisarin e BE-së për dialogun, Miroslav Lajçak.

I dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak, pritet që gjatë ditës ta vizitojë Kosovën.

Sipas Qeverisë së Kosovës, kryeministri i Kosovës Albin Kurti dhe zëvendësi i tij Besnik Bislimi, do të kenë një drekë pune më Lajçakun.

Pas vizitës në Kosovë, Lajçak pritet ta vizitojë edhe Serbinë, atje do të takohet me presidentin e Serbisë, Aleksandar Vuçiq.

Vizita e fundit e Lajçakut në Kosovë ishte më 25 janar të këtij viti, kur u takua për një darkë pune me Kurtin dhe Bislimin.

© SYRI.net

Lexo edhe:

• “Hapat e ardhshëm të Kosovës për anëtarësim në KiE”, MPJ e Gjermanisë deklarohet për takimin me Kurtin
• “Gruaja e tij merr fonde nga Serbia”, DASh demanton dyshimet e ngritura ndaj Escobarit
• Analiza e institutit të njohur amerikan: Rama është Erdogani i ri, po përdor drejtësinë për të goditur opozitën