Kryetari i PRAK-ut, Besim Kodra, ka thënë se shëndetësia në Kosovë ka shumë probleme në organizim, me ç’rast të gjitha këto sipas tij, e bëjnë të paqartë edhe planifikimin dhe menaxhimin e barnave nga listat esenciale.
Kodra pohon se vazhdimisht pacientët janë të obliguar të blejnë barnat vetë, obligimi ky sipas tij që duhet ta kryejë shteti.
‘Shëndetësia në Kosovë ka shumë probleme, si në organizim ashtu edhe në menaxhim. Nuk ka listë të shërbimeve që ofrohen nëpër institucione shëndetësore, nuk ka protokoll klinike etj.
Të gjitha këto, e bëjnë të paqartë edhe planifikimin dhe menaxhimin e barnave nga listat esenciale. Si rrjedhojë, shumë shpesh institucionet mbesin pa barna dhe pacientët duhet ti blejnë vet ato. Të gjitha barnat që janë në listën esenciale, shteti e ka obligim t'i sigurojë. Nëse rast të dështimit për të përmbushur një detyrim të tillë, atëherë duhet t'i kompensojë për shumën që ata kanë paguar’, ka thënë Kodra.
Komiteti kyç për listën e produkteve mjekësore dhe materialeve shpenzuese ka nisur punën për përditësimin e listës së barnave esenciale në fillim të tetorit të vitit 2022.
Për herë të fundit, përditësimi i listës së barnave esenciale ka ndodhur në vitin 2019, gjatë mandatit të ish-ministrit të Shëndetësisë, Uran Ismajli.
© SYRI.net
“Hapat e ardhshëm të Kosovës për anëtarësim në KiE”, MPJ e Gjermanisë deklarohet për takimin me Kurtin
“Gruaja e tij merr fonde nga Serbia”, DASh demanton dyshimet e ngritura ndaj Escobarit
Analiza e institutit të njohur amerikan: Rama është Erdogani i ri, po përdor drejtësinë për të goditur opozitën
Denonco
Merrni lajmet më të fundit nga SYRI.net në çdo moment dhe kudo që të jeni!
