Gjoshi ka thënë se acarimi i raporteve Kosovë-SHBA nuk i duhet askujt më shumë se Serbisë.

 

“Për Albin Kurtin një herë ishte i keq dikush tjetër, e tash po del se fajet janë edhe te Gabriel Escobar.”, ka shkruar ndër tjera ai në Facebook.

 

Reagimi i tij vjen pasi Kurti në një intervistë për mediumin boshnjak ka thënë se i dërguari i SHBA-ve, Gabriel Escobar po bën lëshime ndaj Serbisë.

 

Shkrimi i tij:

 

Kryeministri i Kosovës, Albin Kurti, me diskursin e tij kundër aleatëve dhe miqve të pazëvendësueshëm të shqiptarëve, po i shërben Serbisë!

 

Po-po, po i shërben Serbisë!

 

Ne duhet ta themi pa asnjë ngurrim dhe ta përsërisim çdo ditë se mënyra se si po i trajton zyrtarët e lartë të Shteteve të Bashkuara të Amerikës, është shërbimi ndaj Serbisë që as Aleksandër Vuçiqi nuk mund t’ia japë vendit të tij.

 

Acarimi i raporteve Kosovë – SHBA nuk i duhet askujt tjetër më shumë se Serbisë.

 

Për Albin Kurtin një herë ishte i keq dikush tjetër, e tash po del se fajet janë edhe te Gabriel Escobar.