Tre deputetë të Lëvizjes Vetëvendosje, dolën sërish kundër Qeverisë Kurti. Kësaj radhe ata kritikuan qeverinë pse bleu një fotografi që i dedikohet komunitetit LGBTQ+.
I pari që e nisi këtë reagim ishte Gramoz Agusholli, deputet i VV-së nga Peja, i cili e postoi një fotografi të grupit artistik “Havei” të titulluar “Shën Valentini”, ku shihen 4 vajza teksa puthen në një shesh në Prishtinë.
Por, kjo fotografi, sipas vetë Agushollit, i kishte shkaktuar “dhunë psikologjike”. E përkrahje Agushollit i dhanë dy deputetë të tjerë të VV-së: Eman Rrahmani dhe Visar Korenica, të dy deputetë që votuan kundër projekt-kodit civil.
Çka tha Agusholli?
Deptuteti nga Peja duket të jetë befasuar nga fotografia e grupit “Havei”, të cilën shteti i Kosovës e ka blerë në një thirrje të mëhershme. E befasinë e tij e shfaqi edhe në publik.
Agusholli shkroi se fotografia për të cilën “janë ndarë 10 mijë euro nga buxheti i Kosovës”, e ka dhunuar psikologjikisht.
“Për këtë foto janë ndarë 10 mijë euro prej buxhetit të Kosovës. Me taksat tona financohet ky projekt “arti”.
Absurde është tendenca që dhunshëm me “normalizu”seksualitetin e dikujt. Dhunë psikologjike mbi ne dhe fëmijët tonë.”, shkroi ndër të tjera Agusholli në profilin e tij në Facebook.
“Askujt mbi këtë tokë nuk po i intereson çka bëni ju nëpër shtëpitë tuaja. Pse po besoni që keni kaq shumë relevancë?!
Shumë zor po i japin disa, e prapë as nuk po i dojnë as nuk po i pranojnë.
Krejt aparatin propagandistik, fondet dhjetëra milionëshe, edhe rezultati ne fund zero.
Për disa përshkrimi i punës: Ndjekim fonde!
Sqarim për fund: Te unë nuk pinë ujë: cancel kultura, presioni, shantazhi e aq më pak ofendimet.”, shkroi tutje ai.
Përkrahja e parë erdhi nga dy kolegë të tij. Eman Rrahmani dhe Visar Korenica.
“Komisioni i paska hyp skijave” – ishte komenti i Visar Korenicës, deputet nga komuna e Rahovecit.
Ndërsa, Rrahmani nuk bëri asnjë koment në shpërndarjen që i bëri mesazhit të Agushollit.
© SYRI.net
“Lëndim i rëndë trupor” – dërgohen në mbajtje 4 persona në Prishtinë
Hill: Dialogu, e vetmja rrugë për zgjidhjen e problemeve Kosovë – Serbi që kanë rrënjë të thella në histori
Parashikimi i motit për të premten
Denonco
Merrni lajmet më të fundit nga SYRI.net në çdo moment dhe kudo që të jeni!
