Kryeministri Albin Kurti në një konferencë për media ka folur për situatën e tensionuar në Veri të vendit.
Ai ka deklaruar se nëntë barrikada me njerëz të armatosur kanë ndaluar qytetarët me automjete e ata këmbësorë, dhe shtoi se strukturat ilegale janë bërë banda kriminale e agresive si kurrë më parë.
Kurti tha se pikat në Bërnjak e Jarinjë ende janë të bllokuara.
“E përsëris zotimin se në momentin që hiqet barrikada dhe vendoset liria e lëvizjes në të gjitha rrugët shtyhet vendimi i qeverisë për reciprocitetin për dokumente”, tha Kurti.
Ai shtoi se dhuna nuk do të tolerohet dhe se dhunuesit do të përballen me ligjin.
“Nuk do të lejojmë destabilzimin e rendit të Republikës sonë”, tha Kurti.
Ai tutje tha se e çmon lart shqetësimin e ambasadorit amerikan i cili kontribuoi në zbutjen e gjendjes, duke mbështetur qeverinë dhe vendimet.
© SYRI.net
Përfundon dëshminë dëshmitari i 61-të, pezullohet pjesa tjetër e seancës në rastin e Thaçit e të tjerëve
Presidentja Osmani: Luani dhe familja Haradinaj, dhanë shumë për lirinë e Kosovës
Albin Kurti kujton heroizmin e Luan Haradinajt: 6 maj 1997, ishte ditë e martë…
Denonco
Merrni lajmet më të fundit nga SYRI.net në çdo moment dhe kudo që të jeni!
