50 dokumente për hyrje-dalje janë lëshuar nga ora 8 e mëngjesit deri tani në pikën kufitare në Merdarë.
Gazetarja e Klan Kosova, Arbëresha Fazliu, raporton nga terreni se nuk ka pasur asnjë kundërshtim nga serbët të cilët përmes kësaj pike kufitare kanë hyrë në Republikën e Kosovës.
Merdarja dhe Dheu i Bardhë aktualisht kanë fluks më të madh të veturave, kryesisht të mërgimtarëve, pasi pikat kufitare të Bërnjakut dhe Jarinjës vazhdojnë të jenë të mbyllura për qarkullim për shkak të barrikadave në rrugët që çojnë drejt tyre.
Në mesnatë ka filluar pajisja me dokumente të hyrje-daljeve për të gjithë shtetasit e Serbisë që hyjnë në Kosovë.
Qeveria e Kosovës, pas kërkesës së ambasadorit amerikan, mori vendim që ta pezullojë këtë masë të reciprocitetit deri më 1 shtator, megjithatë kryeministri Albin Kurti tha se vendimi do të mbetet në fuqi deri në largimin e bllokadave.
© SYRI.net
Përfundon dëshminë dëshmitari i 61-të, pezullohet pjesa tjetër e seancës në rastin e Thaçit e të tjerëve
Presidentja Osmani: Luani dhe familja Haradinaj, dhanë shumë për lirinë e Kosovës
Albin Kurti kujton heroizmin e Luan Haradinajt: 6 maj 1997, ishte ditë e martë…
Denonco
Merrni lajmet më të fundit nga SYRI.net në çdo moment dhe kudo që të jeni!
