Ministrja e Industrisë, Ndërmarrësisë dhe Tregtisë, Rozeta Hajdari ka deklaruar sot në Kuvend se si ministre nuk ka gjetur asnjë politikë të zhvilluar për industrinë, investimet, tregtinë dhe turizmin në 10 vitet e fundit.
Por teksa e ka dhënë këtë deklaratë ajo pa e ditur e ka goditur edhe shefen e Grupit Parlamentar të Vetëvendosjes, Mimoza Kusari-Lila e cila ka qenë ministre e këtij dikasteri prej vitit 2011 deri më 2013.
“Unë si ministre nuk kam gjetur asnjë politikë të zhvilluar në 10 vitet e fundit për industrinë, investimet, për tregtinë, turizmin. Kjo është ajo që e kam gjetur”, tha Hajdari.
Ministrja ka thënë se është shumë e angazhuar me punë dhe se ka analizuar shumë sektorë duke shtuar se ka zhvilluar politika dhe po vazhdon edhe për sektorë tjerë.
“Ne po marrim veprime shumë, sidomos në sektorin e naftës siç e dini e kemi gjetë një problem shumë të madh duke filluar nga laboratorët se si janë blerë dhe si janë furnizuar ato shitës me pakicë e shumicë”, shtoi ajo.
Pas kësaj deklarate të Hajdarit ka reaguar kryetari i Partisë Demokratike të Kosovës, Memli Krasniqi i cili ia ka kujtuar se vet shefja e GP të LVV-së ka qenë ministre në periudhën për të cilën ajo foli.
“Faleminderit ministre për sinqeritetin që tregove se Mimoza, Hikmetja e krejt këta send nuk kanë ba që dhjetë vjet. A po nin Mimozë? Qysh tash ti mas dhjetë vjetëve u bane e meçme mi dhënë shkollë kësaj e mi kallxu çka me ba. Nëse kjo nuk ka ditë çka me ba dhjetë vjet që u kanë ministre qysh tash po din kjo me të mësu. Qysh po din me të mësu? Prej që u ba e Vetëvendosjes a po? Është turp na me marrë mësim e me na kallxu ti që ke ble grurë prej kompanive të ndërtimit për çka ki me dhënë llogari qind për qind”, tha Krasniqi.
© SYRI.net
Kurti në 25-vjetorin e Marrëveshjes së Kumanovës: Kosova nuk i fal krimet e Serbisë
Kurti: Ky është viti i integrimit të komunitetit serb
Barbano, Serbisë: Mbani përgjegjës ata që e kanë kryer sulmin në Banjskë
Denonco
Merrni lajmet më të fundit nga SYRI.net në çdo moment dhe kudo që të jeni!
