Kryeministri Albin Kurti ka komentuar projektligjin për tërheqjen e mjeteve të Trusti-t, duke kritikuar sponzoruesit, që janë nga PDK.
Sipas Kurtit, ata që kanë propozuar projektligjin për tërheqjen e Trustit po e manipulojnë opinionin.
“Është shumë gabim që këta 10 për qind që do të ishin përfituesit kryesorë të një skeme për rrënimin e Trustit pensional të vendit të udhëheqin me iniciativa të tilla. Janë këta që e kanë sjell këtë propozim në Kuvend dhe po e keqpërdorin edhe rrjetin medial për të manipulu opinionin si për masat e krizës ashtu edhe për domosdoshmërinë e mjeteve të trustit si zgjidhje”, tha Kurti.
Kurti tha se “ata” po manipulojnë me konceptin e varfërisë ku nuk bëjnë pjesë vet dhe me qytetarët e vendit për t’i arrit qëllimet personale.
Kurti tha se fondi i kursimeve nuk ekziston për tu zbrazur.
Ai ka folur edhe për deputetin e PDK-së, Bekim Haxhiu, që është inciuesi i këtij projektligji duke thënë se: “Nuk e kam ditë që është doktor shkence”
Sipas Kurtit, nga mbi 695 mijë llogari që janë të hapura në Trust, gjysma e tyre janë jo aktive, ndërsa 90% e tyre kanë më pak se 10 mijë euro.
“Kurse ¾ e llogarive apo 500 mijë sosh kanë në mesatare vetëm 1 mijë e 100 euro në llogari. Gjysma e kursimeve janë të koncentruara te më pak se 10 për qind e bartësve të llogarive… Afër gjysma e kontributdhënësve nuk do t’i tërhiqnin mesatarisht as 100 euro por ne ua kemi dhënë nga 100 euro”, tha ai.
© SYRI.net
Kurti: Ky është viti i integrimit të komunitetit serb
Barbano, Serbisë: Mbani përgjegjës ata që e kanë kryer sulmin në Banjskë
LIVE/ Qytetarët tubim në mbështetje të liderit të opozitës Sali Berisha
Denonco
Merrni lajmet më të fundit nga SYRI.net në çdo moment dhe kudo që të jeni!
