Armend Muja: Rrogat janë rritur, vendet e punës janë shtuar, nuk ka nevojë për Trust

11:29, 23/06/2022

Armend Muja edhe këtë herë ka refuzuar që të votohet pro tërheqjes së parave nga Trusti.

Sipas tij kërkesa është si ajo e kaluara.

Janë dhënë të njëjtat arsye sikur kur është vendosur për tërheqjen e parave herën e kaluar nga ky Trust.

“Tash tregu i punës është normalizuar. Rrogat në privat janë rritur. Propozimi për të rritur pagën minimale do të ndihmojë qytetarët që të shpëtojnë nga ky inflacion”, ka thënë Muja gjatë arsyetimit të tij kundër tërheqjes së parave nga Trusti.

Përderisa në Kuvendin e Kosovës është duke u diskutuar për projektligjin për plotësimin dhe ndryshimin e Ligjit për Fondin e Kursimeve Pensionale, i propozuar nga PDK, deputeti i VV-së, Armend Muja ka shprehur qëndrimet e Komisionit për Buxhet dhe Financa kundër këtij projektligji.

Muja ka thënë se propozim nënkupton që nënkupton tërhiqen 594 milionë euro është ndërtuar në favor të 5 përqind të kontributdhënësve të cilët do të përfitonin më së shumti nga tërheqje e mjeteve, shkruan Reporteri.net.

Ai ka thënë se si Komision duhet të ndalojnë edhe përmes intervenimeve ligjore përpjekjet për të shkatërruar Fondin Pensional.

Muja po ashtu ka potencuar se Kosova vazhdon të ketë performancë të mirë ekonomike dhe se janë krijuar 25 mijë vende të reja pune.

“Tregu i punës është stabilizuar, vendet e prekura të punës gjatë pandemisë janë kthyer, janë hapur edhe 25 mijë vende të punës.

Kosova vazhdon të ketë performancë të mirë ekonomike. Ky propozim nënkupton të tërhiqen 594 milionë euro. Ky propozim është ndërtuar në favor të 5 përqind të propozuesve që i kanë punët mirë.

Masat e propozuara nga qeveria prekin një grup më të madh përfituesish.

FMN dhe Banka Botërore kanë kundërshtuar fuqishëm këtë propozim. Ne si Komision duhet të ndalojmë edhe përmes intervenimeve ligjore përpjekjet për të shkatërruar fondin Pensional. Ato janë të obligueshme për të gjithë qytetarët dhe mund të tërhiqen vetëm pas moshës 65 vjeçare”, u shpreh Muja në seancën e Kuvendit.

 

 

© SYRI.net

Lexo edhe:

• Kurti në 25-vjetorin e Marrëveshjes së Kumanovës: Kosova nuk i fal krimet e Serbisë
• Kurti: Ky është viti i integrimit të komunitetit serb
• Barbano, Serbisë: Mbani përgjegjës ata që e kanë kryer sulmin në Banjskë