Kryetari i Aleancës për Ardhmërinë e Kosovës (AAK), Ramush Haradinaj ka vazhduar që ta arsyetojë se tërheqja prej 10 deri në 30 për qind e mjeteve nga Trusti Pensional është mëse i domosdoshëm.
Haradinaj tha se Trusti s’është zgjidhje e duhur, por është zgjidhje e zorit, e në rast se dikush thotë që është zgjidhje e duhur kjo, sipas Haradinajt, është gabim.
“Thënë të drejtën, një qeveri e mençur, nëse bëhet kjo për shkak të një krize, ish dashur t’i quaj huazim, me ua kompensu ato mjete”, është shprehur Haradinaj në Rubikon.
Madje ai ka treguar se kur Qeveria e Kosovës në krye me Avdullah Hotin pati lejuar tërheqjen e 10 përqindëshit nga Trusti, Haradinaj tha se kishte tërhequr rreth 5 mijë euro.
“Unë i kam tërhequr herën e fundit dhe ia kom dhuruar SOS-it. Kanë qenë rreth 5 mijë euro. Sa kam qenë unë në Hagë edhe unë i kam pasur fëmijët atje. Anita ka qenë e vetme dhe është dashur të vijë në vizitë e vetme dhe në shenjë mirënjohje ua kam dhuruar ato para”, ka thënë Haradinaj.
Trusti do të jetë pikë e rendit të ditës në seancën e së mërkurës.
© SYRI.net
EULEX: Hapja e Urës së Ibrit mund të ketë implikime serioze në siguri
Kapen pjesë për makineri të rënda në Vërmicë
LDK reagon ndaj deklaratës së “Kuvendit gjithëserb”: Alarmi i djeshëm në Beograd, është kurdisje e një bombe
Denonco
Merrni lajmet më të fundit nga SYRI.net në çdo moment dhe kudo që të jeni!
