Akademikët sot promovuan librin ku për herë të parë janë përkthyer në shqip mendimet këshillimore të Gjykatës Ndërkombëtare të Drejtësisë, kur i dha të drejtë pavarësisë së Kosovës.
“Këto dokumente që i keni në dispozicion për lexim, analizë dhe studim bëjnë me dije se Kosova, krahas historive të tjera, tashmë ka edhe një histori juridike botërore dhe se ky është një favor i saj i jashtëzakonshëm”, tha Mehmet Kraja, kryetar i Akademisë së Shkencave të Kosovës.
Një arsye më madhore se mospërkthimi i këtyre dokumenteve nga institucionet kosovare kishte zhgënjyer Martti Ahtisaarin, për çka i kishte folur të ndjerit Pajazit Nushit.
Në këtë ceremoni u dhanë detaje për vendimin e para 12 vjetëve, por diçka i vrau veshin një akademiku.
“Po ata njerëz që e kanë përfaqësuar Kosovën a kanë emra, meqë qenka ngjarja e rëndësishme? Ngjarja i ka do emra, dikë s’e keni sot në pushtet por dikush është edhe në pushtet që do ta prekë gjoksin e vet nëse flitet për këtë punë”, tha Sabri Hamiti.
Në këtë promovim u tha se libri është mundësi vetëdijësimi për fitoren e madhe të vendit.
© SYRI.net