Deputeti i AAK-së, Shemsedin Dreshaj gjatë seancës së sotme shtroi pyetje ndaj kryeministrit Kurti rreth premtimeve të tij gjatë fushatës zgjedhore se që në vitin e parë të qeverisjes do të fillojnë punimet për zgjerim të rrugës nga Kijeva në drejtim të Pejës.
Kurti në përgjigjen e tij në Kuvend theksoi se Qeveria e Kosovës nuk e ka në planin afatshkurtër nisjen e procedurave të këtij projekti.
Ndaj kësaj deklarate ka reaguar deputeti Dreshaj, i cili përmes profilit të tij në Facebook ka thënë se mbi 600 mijë banorë të Kosovës, që jetojnë në rregjionin e Dukagjinit, vazhdojnë ta vuajnë padrejtësinë që i është bërë nga Qeveria Kurti me anulimin e projektit të “Autostradës së Dukagjinit”, të cilën e vlerësuan si të panevojshme.
Postimi i plotë:
Dukagjini pa autostradë dhe i neglizhuar nga Qeveria Kurti
Mbi 600 mijë banorë të Kosovës, që jetojnë në regjionin e Dukagjinit, vazhdojnë ta vuajnë padrejtësinë që i është bërë nga Qeveria Kurti me anulimin e projektit të “Autostradës së Dukagjinit”, të cilën e vlerësuan si të panevojshme.
Madje sot në Kuvend, Kryeministri e vërtetoi se Qeveria le që nuk e ka në plan realizimin e “Autostradës së Dukagjinit”, mirëpo as që të nisë projektin e zgjerimit të rrugës ekzistuese Kiev-Zahaq siç pati premtuar në fushatë. Kjo është edhe një tallje dhe diskriminim ndaj kësaj pjese të Kosovës që i jep shumë vendit në aspektin ekonomik dhe në fusha tjera.
© SYRI.net
“Lëndim i rëndë trupor” – dërgohen në mbajtje 4 persona në Prishtinë
Hill: Dialogu, e vetmja rrugë për zgjidhjen e problemeve Kosovë – Serbi që kanë rrënjë të thella në histori
Parashikimi i motit për të premten
Denonco
Merrni lajmet më të fundit nga SYRI.net në çdo moment dhe kudo që të jeni!
