Sot dhe nesër pritet të ketë furnizim të rregullt me energji elektrike në Kosovë.
Kjo pasi, Qeveria e Shqipërisë ka vendosur që t’i japë Kosovës 7,680 megavatë energji elektrike për datën 31 dhjetor dhe 1 janar, në një përpjekje për të ndihmuar vendin që po përballet me krizë të energjisë elektrike.
Kosova ka disa ditë që po përballet me reduktime të energjisë elektrike.
Reduktimet u udhëzuan nga Operatori i Sistemit dhe Tregut (KOSTT), për shkak të mbingarkesës në sistemin elektro-energjetik.
Gjatë seancës së të mërkurës Kuvendi i Kosovës i ka miratuar masat emergjente duke synuar që të stabilizohet furnizimi me energji elektrike.
Këto masa do të jenë në fuqi për të paktën dy muaj.
Rrymën që Shqipëria po ia jep Kosovës për këto dy ditë, Kosova do t’ia kthejë Shqipërisë në ditët e verës.
Kjo për shkak se burimi kryesor i energjisë në Shqipëri janë hidrocentralet andaj muajt e verës sjellin thatësi dhe rrjedhimisht energjia elektrike është më e paktë atje.
© SYRI.net
“Lëndim i rëndë trupor” – dërgohen në mbajtje 4 persona në Prishtinë
Hill: Dialogu, e vetmja rrugë për zgjidhjen e problemeve Kosovë – Serbi që kanë rrënjë të thella në histori
Parashikimi i motit për të premten
Denonco
Merrni lajmet më të fundit nga SYRI.net në çdo moment dhe kudo që të jeni!
