6 raste të reja me COVID-19 janë regjistruar vetëm gjatë dy ditëve të fundit në Kosovë. Teksa numri i infektimeve është rritur, masat anti-Covid po shpërfillen, si nga bizneset, ashtu edhe nga organizimet e Komunës së Prishtinës. Ndërkaq, qytetarët nuk i ndalin as dasmat
Pas rreth dy muajsh, Kosova brenda dy ditëve të fundit ka shënuar rritje në numrin e infektimeve me COVID-19. Vetëm gjatë 24 orëve të fundit, nga 3 mijë e 263 mostra të testuara, 53 kanë rezultuar pozitive.
Teksa një ditë më parë, ishin regjistruar 33 raste pozitive.
E Instituti Kombëtar i Shëndetit Publik nuk u ka kthyer përgjigje pyetjeve të KOHËS lidhur me masat kundër përhapjes së koronavirusit, pas konfirmimit të rasteve të para të variantit Omicron në vend. Është bërë e ditur vetëm se rezultatet e mostrave të dërguara për analizë në Gjermani, qysh më 20 dhjetor, do të arrijnë në Kosovë më 4 janar.
“Mostrat që rezultojnë pozitive me SARS-CoV-2 në IKSHPK i mbledhim gjatë javës dhe i testojmë për prani të variantit Omicron. Pra, nuk testohen çdo ditë; Rezultatet e mostrave që janë dërguar më 20.12.2021, për sekuencionim në Gjermani, priten të arrijnë më 04 janar 2022”, ka thënë IKSHPK-ja.
Ndërkaq, Ministria e Shëndetësisë vazhdimisht ka kërkuar respektim strikt të masave që vazhdojnë të mbesin në fuqi.
Gjatë vitit 2021 nga masat anti-COVID, më së shumti u kufizuan gastronomet, teksa masat anti-Covid vazhdojnë të mbesin ende në fuqi, e me disa kufizime ato nuk po respektohen gjatë natës, por vetëm gjatë ditës.
Mbrëmjen e së mërkurës, Inspektorati i AUV-it vetëm në Prishtinë ka gjobitur 13 biznese, derisa dy janë mbyllur në qytetin e Pejës. Ky institucion vetëm gjatë këtij viti ka shqiptuar rreth 6 mijë gjoba ndaj bizneseve që i shkelën masat.
Megjithëkëtë, nuk janë vetëm bizneset që po i shpërfillin masat.
Ani se masat aktuale ndalohet grumbullimi i më shumë se 70 personave në hapësira të hapura, kjo masë nuk po respektohet në organizimet e Komunës së Prishtinës për fundvit.
Në njërin prej tyre, “Prite në shesh”, çdo mbrëmje mblidhen me dhjetëra persona, pa respektuar distancën e pa mbajtje të maskave.
© SYRI.net
Rama prezanton projektet e Arkitektit të Kryeqytetit, tregon zgjidhjen për trafikun në Prishtinë
Deputetja e AAK-së: Kurti me ekzibicione po provon t’i bindë votuesit e tij se nuk e ka pranuar Asociacionin
Kurti i hapur për t’i dhënë fund mandatit, flet sërish për zgjedhje të parakohshme në vjeshtë a dimër
Denonco
Merrni lajmet më të fundit nga SYRI.net në çdo moment dhe kudo që të jeni!
