Sindikata e Pavarur e RTK-së ka kërkuar që urgjentisht të nisin procedurat për shkarkimin e Bordit të RTK-së, që sipas saj, “ka dështuar t’i kryej detyrat e punës konform ligjit dhe rregulloreve të Radiotelevizionit Publik”.
Përfaqësuesit e sindikatës kanë takuar deputeten e Vetëvendosjes, Mimoza Kusari-Lilën dhe kryetaren e Komisionit parlamentar për Media, Doarsa Kica-Xhelili, për t’i njoftuar mbi gjendjen në RTK.
“Sindikalistët i ofruan si dëshmi zonjës Lila dhe Kica një kopje të vendimit të Inspektoratit të Punës në të cilën thuhet se Bordi i RTK-së dhe drejtori gjeneral i saj e kanë zgjedhur në mënyrë të paligjshme drejtorin e Shërbimeve të Përbashkëta në RTK”, thuhet në njoftim.
Sindikata ka shprehur se gjendja në RTK është e rëndë si pasojë e paligjshmërive të shumta duke filluar nga “përzgjedhja e drejtorit gjeneral, pengimi i Auditorit kombëtar në auditimin e pasqyrave financiare të RTK-së, punësimet dhe avancimet pa kontroll e pa kritere”.
Po ashtu, u kërkua që të trajtohen me prioritet çështjet e pazgjidhura siç janë prona, objekti dhe ligji i ri për Transmetuesin Publik.
© SYRI.net
Ndërmjetës nga vendi ku nisi shpërbërja e Jugosllavisë, Pahor rrugës për të qenë pasardhësi i Lajçakut
Ymeri: Mospranimi i Kosovës në KiE është dështim i qeverisë
Konjufca reagon për takimin Taravari-Mickoski: S’jam i informuar, por Siljanovska e VMRO-s ka koncepte antishqiptare
Denonco
Merrni lajmet më të fundit nga SYRI.net në çdo moment dhe kudo që të jeni!
