Ministrat e Jashtëm të Sllovenisë, Kroacisë dhe Italisë, të cilët u takuan të mërkurën në vendpushimin malor slloven të Brdos, ranë dakord që e ardhmja e rajonit të Ballkanit Perëndimor qëndron në integrimin e saj në BE, njoftoi agjencia e lajmeve Hina
Të tre ministrat, nikoqiri slloven, Anzhee Logar, dhe homologët e tij kroatë dhe italianë, Gordan Grliq Radman dhe Luigi di Maio, ranë dakord që vendet e Ballkanit Perëndimor duhet të pranohen në BE në të ardhmen me kusht që të përmbushin kushtet e anëtarësimit.
Ministrat u takuan për të nënshkruar një deklaratë të përbashkët mbi mbrojtjen e Adriatikut Verior dhe nuk diskutuan çështjen e Ballkanit Perëndimor.
Sidoqoftë, gjatë një konference për shtyp, ata u pyetën nga gazetarët në lidhje me pretendimet përmes ‘non-paper’ mbi rivendosjen e kufijve në Ballkanin Perëndimor përgjatë vijave etnike, për çka Logar përsëriti se dokumenti jozyrtar, të cilin disa media sllovene e publikuan, nuk ekziston.
Radman gjithashtu hodhi poshtë pretendimet se kjo letër “fantazmë” dhe një ‘non-paper’ kroate e fundit ishin të lidhura.
© SYRI.net
“Hapat e ardhshëm të Kosovës për anëtarësim në KiE”, MPJ e Gjermanisë deklarohet për takimin me Kurtin
“Gruaja e tij merr fonde nga Serbia”, DASh demanton dyshimet e ngritura ndaj Escobarit
Analiza e institutit të njohur amerikan: Rama është Erdogani i ri, po përdor drejtësinë për të goditur opozitën
Denonco
Merrni lajmet më të fundit nga SYRI.net në çdo moment dhe kudo që të jeni!
