€Kryetari i Prishtinës, Shpend Ahmeti ka dhënë lajmin e shumë pritur nga qytetarët të cilët kanë qenë të infektuar ose vazhdojnë të jenë.
Ai ka thënë se sot hapet platforma online për të aplikuar për ndarjen e ndihmës financiare prej 50 euro për qytetarët e konfirmuar me Coronavirus – raporton Syri.net
“Sot e hapim platformën online të aplikimit për ndarjen e ndihmës financiare prej 50 euro për çdo qytetar të Komunës së Prishtinës të konfirmuar me #covid19 pozitiv dhe ndihmës financiare prej 100 euro për pensionistët e Komunës së Prishtinës të konfirmuar me #covid19 pozitiv”.
Dje edhe komuna e Vushtrrisë dje ka njoftuar që do të ndaj mjete për qytetarët e saj, vetëm se atje pagesat janë nga 150 deri në 300 euro.
© SYRI.net