Një studim i vitit 2015 i botuar në Journal of Behavior Therapy and Experimental Psychiatry zbuloi se perfeksionizmi është një tipar i zakonshëm tek ata që kafshojnë thonjtë, këpusin lëkurën dhe tërheqin qerpikët.
Megjithatë, nuk duket se perfeksionizmi është e vetmja gjë me të cilën janë të lidhura këto zakone – stresi gjithashtu ka shumë të bëjë me të.
Sipas studimit, njerëzit që janë përgjithësisht të padurueshëm, ose që mërziten ose frustohen lehtë, kanë më shumë gjasa të përfshihen në sjellje të përsëritura të fokusuara tek trupi, si kapja e lëkurës, kafshimi i thonjve ose tërheqja e qerpikëve.
Në studim, studiuesit punuan me 48 pjesëmarrës, gjysma e tyre që kishin këto zakone.
Pjesëmarrësit e tjerë, të cilët nuk u përfshinë në këto sjellje, ishin grupi i kontrollit.
Pjesëmarrësve iu bënë pyetje në lidhje me shkallën në të cilën ata përjetuan emocione si mërzia, zemërimi, faji, nervozizmi dhe ankthi. Më pas, secili pjesëmarrës u ekspozua ndaj situatave të krijuara për të provokuar ndjenja të veçanta, dhe e kundërta e atyre ndjenjave, si relaksimi, stresi, zhgënjimi dhe mërzia. Sa për mërzinë, pjesëmarrësi duhej të ulej i qetë në një dhomë vetëm për 6 minuta. Pjesëmarrësit me një histori sjelljesh nervoze dhe të përqendruara raportuan nxitje më të mëdha për t’u përfshirë në ato sjellje kur ata ndiheshin të stresuar dhe të frustruar. Por ata nuk raportuan se i kishin ndjerë ato nxitje ndërsa ishin duke pushuar.
“Ne besojmë se individët me këto sjellje të përsëritura mund të jenë perfeksionistë, që do të thotë se ata nuk janë në gjendje të relaksohen dhe të kryejnë detyrat me një ritëm “normal””, shpjegon autori kryesor i studimit, Dr. Kieron O’Connor.
“Prandaj ata janë të prirur për zhgënjim, padurim dhe pakënaqësi kur nuk i arrijnë qëllimet e tyre. Ata gjithashtu përjetojnë nivele më të mëdha mërzie.” Studimi zbuloi gjithashtu se njerëzit me këto sjellje kishin më shumë gjasa t’i bënin ato (kafshimi i thonjve, kapja e lëkurës, nxjerrja e qerpikëve) kur ndiheshin të stresuar. Zakonet më pas përdoren për të rregulluar emocionet e tyre.
© SYRI.net
10 kryengritjet që ndryshuan historinë
Sekreti i të qenit vendi i dytë më i lumtur në botë
Gruaja mban mend edhe kohën kur ishte në barkun e nënës
Denonco
Merrni lajmet më të fundit nga SYRI.net në çdo moment dhe kudo që të jeni!
